لو كتاب الحب قلبي يفتحه.
كل سطر ٍ فيه عبّر عن جفاك.
راسبه بالوصل والاّ ناجحه.
اعتذارك مايبرر لك خطاك.
في غيابك كل ود ٍ تذبحه.
فدوتك روح الالم وانا فداك.
قلبي اللي ريح عطرك يجرحه.
كِلّ مارشت له الذكرى غلاك.
البطا فعله خطا ..! من يدمحه.؟
والخطآ دامه وطى قلبي قراك.
بالوصل لا تتصل رح صححه.
اشرب الشرهه هنا ولاّ هناك.!
لو غيابك في حروفك تشرحه.
ما قرا قلبي حروفه من مساك.
ولو تفج الصدر قلبي تْشرّحه.
كل قطرة دم نبضتها معاك.
ماعرفت الحب.! حتى تمدحه.
كيف لالك ذاقته شفّة ظماك.
المحبه ...! ترتوي بالمصلحه.
والمصالح سرها يبقى بشفاك.
آه ياجرح ٍ ..! غيابك يملحه.
وآه ياصبر ٍ تعَوّف من عناك.
اكتبك بالود يرجع يمسحه.
الغياب اللي كواني ما خفاك.
كل بحر ٍ لجل عينك نسبحه.
ندحم الامواج لو فيها هلاك.
ننضم القيفان بكفك مسبحه.
من عطر قلبي يخالطها هواك.
والمشاعر ..! حالها في مذبحه.
خنجر غيابك أكل منها ولاك.
هب ياحظ ٍ .! خفوقي يقبحه.
مالحق ورده على قطرة نداك.
كل طيف ٍ في عيوني المحه.
ابتسم له اشعل الشعر بسماك.
والوجيه البائسه ... والمفلحه.
ماملت عيني ولا تاصل مداك.
هاك قاف ٍ فيه جمله مفرحه.!
الخفوق اللي نسيته مانساك.
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.