الصدق ضيعني وعشت أغترابه
ومن الأمل أصبحت بالحيل مرتاب
برّ قت في حظٍ ضحك لي وجابه
مابين يقين وشك غيّبت منصاب
الحزن جلادٍ غدابي عذابه
والجرح نزفه علّق الدمع بهداب
اطرد وفا واثّري اطارد سرابه
وين الوفا وأنا أول الخلق طلاب
وين التقيّه الله عليم بغيابه
وين النوايا وطيبها بعصر نصاب
غرقت في جملة حروف الكتابه
ندمت واجهدت الحنايا بالاعتاب
الله يا ظلم البشر كم غدابه
ميتا ضمائرها تلوى كما الداب
لا خالت عيوني بروق السحابه
طلبت ربٍ للمقادير جلاب
عايشت من مد الليالي كآبه
وشربت من تعذيبها مر الاعجاب
ماهو بيأس/ الحال الله درابه
تعبت به فوق التعب ضعف الاتعاب
والله ماذنبٍ جناه وخطابه
غير أن ذنبه صدق في وسط الاكذاب
يومٍ وثق باللي غرامه التوابه
واعطى تفاصيله عن الحلم وانساب
أثره مبيّت للغدر ألف جابه
طيبي أخذني لاخر الحلم ثم غاب
سمّه تجمع موت في رأس نابه
هانت عليه روحٍ تنازع بلا اسباب
ياكثر ما يحلف بربه صبابه
ما يدري أنه باخر الوقت شراب
الله يسهل له خطاوي ذهابه
مايجتمع صدقٍ بخاين ولعاب
قلبي وصكرته ولا افك بابه
خلاص يكفيني من الوقت ماشاب
مدام حلمه مات محدٍ درابه
عزيت فيه الصبر من دون الاحباب
شعر /الملتاعة
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.