آصد عن مجلس. لـ خالد الزهيري

آصد عن مجلس - خالد الزهيري

آصد عن مجلس اللي ما لهم تالي
أحسن لي أبقى عن الرديان في عزله

وابرك لي آسج بفجوج الخلا الخالي
من مجلسٍ ما تميّز جدّه وهزله

تلقى هدورٍ يلجّ يمين وشمالي
متليسنٍ في كلامه طلعه ونزله

والمجلس اللي هله ما تشرح البالي
والله لآصد عن ملفاه واعتزله

وانا مع اهل الوفا قدري ... ومنزالي
في مجلسٍ راية الوافين تِركزله

المجلس اللي على اسمه مجلس رجالي
غصون قلبي من الشوق إتّهَزهَزْله

لا جيته القى علوم الطيب طوالي
علمٍ يسر الصديق وكلمةٍ جزله

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.