ليه انت بالذات قلبي يبيك
من بدهم ليه انا شاري رضاك
وش يميزك عنهم قلي وشفيك
وليه بيوم فراقك عييت لا انساك
ليه الزمن يجبرني بالذات عليك
على كثر العرب مالقيت بمزاياك
حبك معنيني وادري حبي معنيك
عايش فرجا صدفة تجمعني معاك
ابعدت عني وقلبي الضامي يبيك
جرحت قلب(ن) ماعرف حب سواك
تقول اخطيت بحقك ،وتظلم غاليك !!!
انت تعرف قدرك ومكثر غلاك
الساني اقصه قبل لا بالشين يطريقك
وعيوني اكذبهم قبل لاتبرر خطاك
للاسف خسرت انسان يحبك شاريك
يعطيك قبل لاتطلب ولا عمره اشقاك
مير انت ياكافي ماتبي من يغليك
تحب اللي تدوسه وتعطيه مقفاك
وانا عزيز النفس وماني براجيك
اما تجي بكيفك والا الله معاك
ماني بتبيع(ن) لك مع اني ابيك
عزيت نفسي عن مثلك وشرواك
صحيح احبك وربي اني شاريك
والقلب ياغلاهم والروح فداك
لكن ما ارخص النفس واتبع خطاويك
يا قلب تكفى لاتتبع من جفاك
بدعي الله عساه يصدفني فيك
لجل اتعرف قدر من بعيونه حطاك
خلاص رح ،ماني بداعي عليك
بس بقولك بيت قبل لا انساك
الدنيا تدور وانا ما اخفيك
بيجيك ما جاني واذكرني اذا جاك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.