ياالله ياللي تنزل الغيث من فوق
ياواحدن بأمرك تقاسيم الأرزاق
تجعل تجمعنا من الخير مرزوق
وتعصم تفرقنا على خير ما لاق
واجب نشارك والقصايد لها شوق
والتهنئة بالحفل من كل الأعماق
انا أعرف ان الطيب في كل مخلوق
يانعم في كل القبائل والاعراق
حنا البقوم قروم ما نعرف البوق
تاريخنا بالمرجلة مشرق اشراق
الكل منهم سابق غير مسبوق
غيرالشجاعة والكرم حسن الاخلاق
الهم علي حقوق وحقوق وحقوق
اقلها قصيدة ترضي الأذواق
مادام انا شاعر ولي صوت مرموق
وتاريخنا بالطيب شامخ وعملاق
شعري يطاوعني على كل طاروق
اليا عسفته ينعسف لي وينساق
ليا بدعت القاف ماني بمطفوق
الشعر صيد ومضغة القلب تفاق
الشعر سوقه ذوق مايشبه السوق
بين الثرياء والثرى رحلة إبراق
احدن يجي شعره جواهر بصندوق
واحدن طغى شعره على كل الأفاق
واحدن يجي شعره عواصيف وبروق
وذي سنة الدنيا نجاحات واخفاق
للشعر ميزان وقوافي ومنطوق
وللشعر نقاده وللشعر عشاق
الشعر مثل الكيف بالوزن والذوق
مأحد يسوق الكيف والكيف ماراق
ما كل شاعر كل ما هزه الشوق
يلقى الدرر منثورة وسط الأسواق
ماقصروا شعارنا سلموا العوق
جابوا قصائد تجعل القلب يشتاق
تجعل لبيب القلب يرتاح ويتوق
مثل الجواهر فوق تلعات الأعناق
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.