لبارحه من ضيقت البال مامسيت
متوسدن همي وضيقي وساده
من حاجت(ن)منها اعاني ولا ابديت
مدري ردا بالحظ والاقراده
وقت(ن)مضى صبرت عنهاوقفيت
واليوم مال لصبر فيها جلاده
ستة سنينن ثابت(ن)ماتعديت
تقييم e و لاحصلي زياده
اطلب واواعد مير ماعاد لاقيت
من الوعايد غير هم ونكاده
ياكثر ماعطوني ورق شكر وهديت
جوائز موظف عمل لجتهاده
وشكر وثنى بوراق من شركة الزيت
شكر و تقديرن باليا أستفاده
و الفايده منها على جنب خليت
وصار السكوت ألي طبيعه وعاده
ولو في سعت صدري وخلقي تواطيت
ماشفت منهم لي وعودن وكاده
وانا التقاعد وصلني ماتشافيت
من ديني اللي منحصى في عداده
وحتى لوني بالعمل ماترديت
وخذت من شغلي لشغلي شهاده
بعيونهم لو افهم الشغل ماوفيت
شافو كبر سني عليه بلاده
ويومنها طالت وفيها تكويت
وفيها الصبر الصبح حريق ورماده
عزمت في رايي وبالله تكافيت
وصلت شكواها لراس القياده
وصلتها للي بشخصه تهقويت
اللي عليه اهون من اكله لزاده
ولاعاد من دونه بانخواي صديت
راع المدايح والفعول الوكاده
وصبرت لين اني من الصبر مليت
وصبري قضت عليه حرب الاباده
ونصيت من بالطيب والعز له صيت
واللي فعول الطيب دايم مراده
واليوم يا/ طالبك فزعتك جيت
يومن صبري طال فيها امتداده
تكفى وتكفى يوم يمك تعنيت
ياعز من بالضيق تاقف سناده
وكان عتذرت اقول كفيت واوفيت
والله يديملك الفرح والسعاده
وحفظتها ماعاد فيها تحاكيت
لسماع من يبغا الشتم والنقاده
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.