هللي يالخالدية جلا سحمك فضيض
من ضريم ابناء خالد شديدين ٍ غلاظ
النصر بشايره تلمح لقدحه وميض
يوم شلّت في غطاهن وسيعات اللحاظ
الفتى ليا نخنّه وبالطرف الغضيض
يستقي حوض المنايا بثوب ٍ من بياض
كيف لو ماني من احفاد حراس المبيض
والحبارى في حمى جدنا فرّخ وراض
بس شاعرها تهيّض وسدد بالقريض
ماهو مثل اللي مسيّر تقول انه (عواظ)
صخرة العز اركدي باسفل الخفّ المقيض
واستشيطي نار من غيظ يا سادة عكاظ
لو يصيح الله أكبر يشلّ من الحضيض
والمجوس الصفوي وسط قاع الذل غاض
المجازر أصبحت أمر عادي ما يغيض
وان بكى طفل ٍ بلندن عليه الف اعتراض
العروبة زندها صار مغلول ٍ مهيض
هرّة ٍ تاكل اكبادها عقب المخاض
للسماء السابعة تسمع لقومي جضيض
والنجيع اليعربي سال في حمص ٍ وفاض
اصبري يا حمصنا ما يدوم الوقت قيظ
غير يرزمنا شواتيه وتسيل الفياض
النصيري لى دحمها وبالكتف العريض
غير يلقى للمهانات ولموته حياض
وان تعلّى عادي ٍ بالفضا ودّه يبيض
غير يصبح طاير (الميج) في جوه شواظ
أمة ٍ تسلّم زمامها واحد مريض
السفيه ليا استلمها سليمة ما تعاض
فاشل ٍ درّب حصان ٍ شموس ٍ ما يريض
قد جمح به بالنهايةبلحظة انتهاض
التعالي والتجبّر له النكسة نقيض
لو سقى دوّ الصحارى وسوّاها رياض
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.