صوت حر ٍ ..... لج مابين الغمام.
عانق ارعود ٍ تقادح في مسيره.
فكرتين ٍ .. شالها جناحه وحام.
شامخ ٍ في وقت ميلاته كثيره.
العقول .. اللي مرضها الانفصام.
في جماجم ناس .. ماهي مستديره.
العقل زِينه .... بوقت الاصطدام.
والحكيم يدير وقته ....! مايديره.
النفوس ... تْضيق من رد السلام.
الله اكبر فاق شر الناس خيره.
لو بصب النور .... بعيون العتام.
مارضت عين ٍ تشوف ولا ضريره.
الحلال اجرام .... والطن الحرام.
مررتها عقول .... وعيون ٍ بصيره.
آكلين الني .....! في ظل وظلام.
في حبال البطن نيران ٍ سعيره.
بقفل الموضوع وادخل بانسجام.
بين قلب وقلب يصبح له غريره.
صورة الرجال ... و مراية مدام.
بين وسّام المراجل .... والحظيره.
من بغى للذل صوره بالتمام.
صورة ٍ مع الزمن تبقى معيره.
الرجل لو حطت الأنثى اللجام.
بلحيته ينقاد ..! وعيونه كسيره.
كلمته بالسفه ...! متروبة مقام.
دام زر الثوب ..! في كفين غيره.
قايد ٍ مقيود في وسط الزحام.
ذلته ...! والوقت بَيّن له مصيره.
للرجال اشباه .... ناقصها مهام.
هيكله رجّال ...! محد ٍ يستشيره.
بايع الهيبه ...... ومهزوز العظام.
ضاع رآيه بالصغيره .. والكبيره.
من يلم الكحل .. من وجه اللثام.
من يمد العمر...! والرحله قصيره.
ولو قناع الجهل من زين الكلام.
تطرحه .! جملة سؤال ٍ له صغيره.
والرجال اللي سيوف ٍ للخصام.
علمها.! صادر بلا شك ٍ وحيره.
ياسما حر ٍ ..... رسم عين الملام.
ماغرس وجه البشر خير ٍ وخيره.
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.