بكت عيني وأنا مدري بان خدودنا خظرا
تمكن خدي من دمعي وأنا والله ما لومه
مدام إني بكيت الله يزود صبرنا صبرا
بما أن السجون اليوم فيها ناس مظلومة
سقاهم ربي كاس الثلج لو صدورهم حمرا
يقول الحمد للي خالق الأقدار مقسومة
تحمل يا عوض وحسب وجودك للولي أجرا
ترى الله خالقٍ خلقه وكلن كاتبٍ يومه
قسم ربي على يدك يموت إنسان ما فرا
من المقسوم دام الله كتب أيام معلومة
عساه بجنة الفردوس بين قصورهم قصرا
وعسى الله يفرج همومٍ غدت بالصدر مكتومة
لا شفت الناس تضحك من سعه تخنقني العبرا
وكلن يسأل اشفيها خدودي حيل موسومة
يسيل الدمع طوالي ألا يا دنيةٍ قشرا
صديق العمر في سجنه عساها تفرج همومه
عزيز وغالي وكلن لقى عند البشر قدرا
ولا كن قدرك بعيني تعدى ناس محشومة
عليم الله يا أبو ناصر دعائك للولي فجرا
يهوّن من مصايب من بكاء بنفاس معدومة
واحذر لا تضيقها ترى بعد العسر يسرا
وادعي لك وأنا ملزوم وغيري ناس ملزومة
يدعو لك عسى رب العباد يقرب البشرا
نشوفك بالعيون وعقبها نرتاح بالنومه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.