..............................
قصيدة/ سعود سكران
الله خذا زايد وعوض اب سلمان
سجل باسم سكران والتاج لوهيف
الله جمعنا بعز والجد جمعان
حماية المركب بشذر المراهيف
ان قلت برد وإلاّ وانقلت غزوان
وتركي وطرجم ودرزي لهم ضِيف
نبذه من الفريس والكل فرسان
ربعي على الطولات دايم مزاهيف
ورويل كل رويل للمجد عنوان
كم طوعوا من بخشمه زعانيف
لنا بالامجاد عبيّه اوشامان
نجلد روس القوم ماهي اطاريف
اليا انتخوا هل العليا ابعليان
ماتسمع الاّ الحدا والغطاريف
زيزومهم من نخبة القوم شعلان
اهل القنا والرمح والشلف والسيفب
اقولها ولاني على الغير غلطان
تاريخنا معذا عن الكذب والزيف
ماهي سوالف مسردن كان ماكان
بيض الرّهو يامسندي كيف ماشيف
وارجع للموضوع وارجع ال سلمان
الشعار الموهب امكرم الضيف
ترفع لك البيضاء على رأس مابان
يامصنفن اسعود لطويق تصنيف
لومانت نادر وبالمواقف اكحيلان
ماصرت شامخ مثل قمة جبل فيف
...........................
.........................................
رد سلمان الوهيف
.......................
سلمان شاش..وجاوب لصوت عليان
أنا لها وأرقى بها للمشاريف
والقاف ثار وثورته ثور بركان
فيه الحميّا ترتفع فوق وتنيف
للطيّب اللي سمعته شانها شان
سيرة وفا!! ماهي كلام وسواليف
الشامخ اللي حاضر بكل ميدان
البيّن اللي مايبي زود تعريف
سعود ..وأسمه بيننا كالقمر بان
رجلٍ بطيبه كتّف الطيب تكتيف
ياسعود..وأسمع زبدة الهرج برهان
وأخذ الصحيح وياصلك دون تحريف
يفداك لو تبغى نظر عين سلمان
سلمان عقبك زاده القرب تشريف
لي الفخر بأخوتك وأعلن أعلان
شرفتني في خوتك والتواصيف
جمعان حنا..بين مرعض ودغمان
أهل السيوف الساطيه والمخاطيف
وأخوان حنا..ضمنا الأسم سكران
سكران دغماني وسكران لوهيف
عينين في راسي وللمجد عنوان
وحنا وراهم نتبع المجد ونضيف
وياطويقنا تبقى على مر الأزمان
مصدر فخرنا بالكرم والمواقيف
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.