ورّد ذلولك واحذر من الطيحة
العدّ غارق يرهب السبّيحة
الذيب لوّه ساطي ٍ مخلابه
ما كل نوبة سالمن برويحه
ما صاح ذيب ٍ من ظهر مرقابه
إلا عرفنا وش ورا هالصيحة!!
من قول ابن منور لبن عرام ٍ
دمع يغطي حمصك الجريحة
يليح راس اللي يباس ٍ هامد
اللي شراب الروس ما يليحه
ياما نصحتك يبن خالد هدّي
الوضع ماهو يحتمل تلميحة
إبعد وإنسى حمصك العذية
وإياك لا ياتونك الشبيحة
الحال مزري والمؤذن ساكت
ماعاد يقدر يجهر بتسبيحه
ماتت (تهاني) بنت خالد جدي
عروس قوم ٍ تنطر التسريحة
ثورت في صدري عناتر قاف ٍ
دكّت ركايز قبر (ابو سنديحة)
وابو كلبشة لو يشد قيوده
ما هيبت ضماير القريحة
ما غرّني يا فلان زاهي جوخه
ولا تحسبنّي اساير المسّيحة
اللي ضرايبنا تزين بنوكه
يصرف فوايدها على تسليحه
في زعمه إنه من يحرر أرض ٍ
قد باعها بمزايد الربّيحة
تتوسد الشعوب سواعدها
وناس ٍ كنبها فارهة ومريحة
وناس ٍ تموت بغادر الرصاصة
وناس ٍ تموت( بسارية وفريحة)
رجل ٍ مهو كفو ٍ لسوق الأمة
واجب علينا نتحد ونزيحه
حمزة ورا حمزة قوافل مرت
وزادوا على جرح الفتى تجريحه
لو شالوا عيونه مع حنجرته
هل يؤلمه عقب الفنا تشريحه؟!!
مثلك ترى يا خوك عادي ذيب ٍ
واللي رثع بي راعط النبّيحة
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.