الله على الايام مسرع دوُرها
والله على قلوب البشر ويش جاها
الايام هي الايام مهما تغيرت
نروح منها مالحقنا مداها
والا قلوب الناس ذي باحلاٍ بها
ماينعرف لي طيبها من رداها
حكمي على اللي ظاهر لي وبين
اما خفايا الناس وش لي بغثاها
كل طبوعه تفضح اللي بضميره
جوارحه اتبيّن اللي حداها
واللي مشى بخلاف ماحب غيره
شنت عليه اقوام حرب بعصاها
لاكن دامه ماشين بطاعة الله
الله عوين اخطاه اللي مشاها
وانا باقول بقول سدد وقارب
ان وافقت والا تراها حذاها
دنيا وندعو الله منها السلامه
من هول مافي بطنها من بلاها
نسير فيها بين غدّوه وروحه
كلن يموت ومالحق منتهاها
من حي فيها مر عدة مراحل
وثنتين ياتي بعضها او كلاها
مابين شيب وهرم من قبل موته
والا حياة امراض موته وراها
هذا ان ربه سلّمه من شرورها
لوعات بقعا سووها مع بلاها
يسعى بها الانسان وهو داري انه
يموت وتالي حاجته ماقضاها
قلته وانا ارجي رحمة الله خالقي
اللي رفع سبع وسبع دحاها
حيثي منا معصوم من الخطايا
وانا مثل ناسٍ كثير خطاها
لولا الامل بالله عزي لحالي
يغفر لعبده من ذنوب جناها
ياللي سترت اعيوبي اللي جنيتها
تغفر لي بيِِنها وتمحوخفاها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.