بسم الوطن عن واجبه يرقد الدون
وتجول في وسط القطيع الذيابة
وبسم الوطن نحط بالقمه حصون
بالحكى وصلنا لحد السحابه
وبسم الوطن أنهب لياحد مليون
مدام كل قام يشعب ركابه
وبسم الوطن يخفى مثل مال قارون
ولايا سألت يقال حضرة جنابه
وبسم الوطن مليار متر يحطون
ضاع المهندس والمخطط غدابه
وبسم الوطن وسط القناوات يفتون
ولايظبط الا حين تظبط حسابه
وبسم الوطن من للمشاريع يعطون
لين أصبحت داري سوات الخرابه
وبسم الوطن يضحك على الشعب بفنون
شاعر وطن والعنصريه زهابه
وبسم الوطن تدفع بخاشيش بجنون
وتضيع ثرواته وينهب ترابة
وبسم الوطن وسط المحطات يشدون
بالعود ولا يعزفون الربابه
وبسم الوطن لجنودنا يستغرون
بعد البشائر صار يطرد سرابه
وبسم الوطن يخون من يقدر يخون
ملعون من باسم الوطن خذ نهابه
وبسم الوطن يبعث بنات يسيحون
معاد تعرف سهلها من هضابه
وبسم الوطن أسلاح ماهوب مضمون
معروف من وقع وكل درابة
شي موكد لو بغيتو تخبون
بعض يصرح بة وبعض حكابه
منى رساله للمناعير تكفون
هذا وطنا مارضينا خرابه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.