راكب اللي يوم يلعب على كبدالحماد
مثل صقر يوم يلعب على كبدالهبوب
من وكالة فرت والكل تصميم البلاد
مشترينه ماحسبنا لغالب ومغلوب
لرتكز بين المحاديب وهاج الفواد
قلت هاتولي مفاتيح برَّاداللهوب
يآصل اللي نزلهم من ثلوم طويق غاد
منه لا وادي الرمه وأستند واجنب جنوب
لابةٍ للي يباهم مداهلهم جداد
والبيوت كبار والنار للناصي جذوب
لابةٍ ياوي لابه ليا عدا العداد
لابةٍ تسعد بها العين عن هم الكذوب
لابتي عتبان مافيه شك ولا ارتداد
لابتي هاله تهايل على نطح الوجوب
من فعايلهم يفادون في يوم العناد
تفرح الفاطر بمركاض عطبين الضروب
والفعول الباقيه مال طيبها عداد
وافيٍ ميزانا مع موازين الشعوب
يوم نجد من الجهل حط راحان وزباد
والتبس من غالي اللبس باجمل كل ثوب
وامتشط بين العشاشيق من كاد ورشاد
والقماري في قواريه غنة باللعوب
وقحطان أجموع دونه يشنون الطراد
والدواسر والمطاري وشمر والحروب
والبقوم اللي ليا ولع الحرب بكداد
حضرة الغيَّاب منهم تسد عن الغيوب
والسباعي مدله الجار حمَّاي السناد
عزوةٍ من ناوشه حربها يمكن يتوب
غير من لسميت في نجد من حضر وبواد
كل قومٍٍ حقها ماننقص له وجوب
ان حدر معهم ضعنا وأجدانا الجهاد
لين اخذنا قسمنا بين غاصب ومغصوب
قسمنا في نجد مدهال مقرعة التواد
قسمنا يوم القبايل تداحم بالجنوب
امتلكنا العقله اللي نواعرها عياد
بين ضلعان البشاره وضلعان الهضوب
وامتلكنا الأروسه والهميجه والبجاد
والطويله والدفينه وعباب وسحوب
وامتلكنا في شمال الهضاب ام الجراد
الرشاويه وعرجا وفاحان الصبوب
وامتلكنا بين طخفه وسفوه والطراد
كم قليبٍ شوف هاذيك مياح الغروب
حدنا منا ومنا نعرفه بالوكاد
من سواج ليا حبيه وتشريق وغروب
شرقه العارض وغربه ورى الطايف قصاد
موطنٍ تورثه الاجداد للي فالصلوب
ندفع البل فالمرابيع في هاك الوهاد
والمشارب نقضةالجزو باعين الجذوب
والحدود الها قطيع معزن بالمقاد
والجنب معها على الخل والحارب يلوب
ترتع الوضحى ام الأدلال قوس ولا تراد
وانحماها من مقانيص طمَّاع ولعوب
لختلط عج السبايا ولماع الهناد
من يطب السوق معنا نمنيه الهروب
لابتي عتبان مافيه شك ولاارتداد
لابتي هاله تهايل على نطح الوجوب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.