السنبله

لا عاد ترجع خافق الحب عافي.
مادام قلبك ... بالتجافي ... يطوفي.

شفني عطيتك وصل وانت التجافي.
الفرق شاسع والمشاعر تعوفي.

لاتحسب إن الشوق بالجوف دافي.
تراه ... نار ٍ تآكل القلب جوفي.

ناداك قلبي ... لج بالروح كافي.
وشلون ما تسمع خفوق ٍ لهوفي.

كتمت حبك بين الاضلاع خافي.
وطعنت قلبي والمشاعر تشوفي.

اللي يكيل الحب ....! ملزوم يافي.
لا يخسر الكيله .... وقلبه عطوفي.

خليت قلبي مع ظما الروح حافي.
وزرع ٍ زرعته فوق نبعك نشوفي.

الحب محصول المواليف صافي.
لا صار يرويه الخفوق الولوفي.

أهملت محصول المحبه ولافي.
حزن السنابل .... شوكته ماتروفي.

طبعك تغير..... واعتلا الود قافي.
وشمس الغلا بعد القفا في كسوفي.

أرض المحبه من عجاج ٍ وسافي.
والسنبله ..... هبت عليها ظروفي.

الهجر حت الحب.. والقلب غافي.
ومرت فعيني بالثواني هنوفي.

خريف حبك بين الاضلاع جافي.
بانت تجاعيد العمر في حسوفي.

ماعاد تعنيني ...! لو القلب وافي.
أنا ..! لقيت إنسان .. للروح يوفي.

من عادتي بالعز ما انظر خلافي.
أمشي لو ان الخلق تبغى وقوفي.

الشوق نار ٍ والوصل له مطافي.
والوجد عطر ٍ فايح ٍ في حروفي.

لا عاد ترجع لو نسجت الفيافي.
على كفوف الوصل وإلاّ كفوفي.