على جناح مقرب البعد لا طار
عذب النسايم هاجسي حلقت به
ابحرت في مركب مراسيل الافكار
اغازل نجوماً خيالي سرت به
الراس به عالم محطات واقمار
قريحته صوب الكواكب غزت به
خد الثرا مدهال الاقدام يا دار
وش غيّره يوم القدم دوجت به
العام تلقى في بساتينه اثمار
واليوم يا كاف البلا مالقت به
جيته وانا ماني بحاجه للأعذار
لو تبلغ الاعذار باللي بلغت به
ما نزلتني هقوتي خلف الاسوار
النفس باعت بالطموح وشرت به
يا جبال حايل ما انحنى ضلع سنجار
حتى لو ظروف الحياة عصفت به
لو ما الجبل راسي وقاسي وجبار
يمدي من سنين الهبايب رمت به
الحال والترحال وصدوف الأقدار
ما جت به اقدار الليالي غدت به
قابلتها واللي معي سيف الإصرار
اضرب يَ ما ارقاب الصعايب درت به
من يبعد الشوفات ويهوم الاخطار
ينزل بروض الباديه ما نزلت به
الذيب غراته معاتيم الاسحار
يوم العيون النايمه ما صحت به
ياصاحب الاسرار صندوق الاسرار
صكه بمفتاحه على اوراق كتبه
لاتسبره عين الفضولي بمسبار
بعض الرجال اللي تشوفه حكت به
ما للحوايج غير كتمان الاخبار
الناس لاسمعت خبر سولفت به
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.