..........
صالح الشريف: ..........
قلبي هزف يا حسين يبغي الإمارات
وأشوفني في ذا السفر صرت مبعود
أمزّ من كاس الألم كل ساعات
والقلب للأوطان ياخوك مشدود
..........
حسين خميس:..........
وش له تفكّر يالأخو في الإمارات
وانته بدار الخير والعز والجود
بانكوك فيها يا بوهاشم ملذّات
فيها الوناسه وفيها ترفات لخدود
باكر إذا روّحت بتوِن ونّات
وبتّم تتحرقص تبا ترد وتعود
..........
صالح الشريف: ..........
أسلى دياري يالخوي مول هيهات
باقي ذكرها بين الأضلاع موجود
بمروتها لي كم صوله وجولات
غزلانها تبري يهد كل ميهود
..........
حسين خميس:..........
لا تسلى دارك بس عيش المسرات
في دار ما فيها وشايا ولا حسود
ريّح فؤادك يا بوهاشم بكم بات
واستانس بدارٍ بها الأنس موجود
..........
صالح الشريف: ..........
ما عاضني في من أحبه الخوندات
ولا عاضني ما بين الأريام مفنود
ظبي الوطن ما ينشرى بدرهم وبات
بين الحنايا له مراسي ومعدود
..........
حسين خميس:..........
ساعة وناسه ما تسمى خيانات
ولا على من عاشها شي منقود
واللّي تحبّه يالسٍ في الإمارات
ما يدري بحالك ولا عنده شهود
..........
صالح الشريف: ..........
من ياب لك يا حسين طاري الخيانات؟
ومن قال ما يسأل وما عنده شهود؟
إحساس قلبي شاهد وكل نبضات
وطيفه معي من وين ما أسير موجود
..........
حسين خميس:..........
عن تايلاند ياخوي سوّن دعايات
بنات دارك قالن وقالن بزود
في عرفهن نحنا نخون العلاقات
إذا قضينا ساعه بأنس وسعود
وأنا في عرفي الوناسه بطولات
كل ليله نحقّق بطوله بمجهود
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.