لا واتل حاله تلة اللي ورد من شرق
من اقصى بلاد الشرق دنياه جالبته
عريض الجناح قصيّر القير يدرق درق
لعبد اللطيف مقلّع الفلك جايبته
تيامن عن الجوال والطرق وامن الطرق
وعطابه طريقٍ ما وطي فيه من نبته
وتربّق كمينٍ لجهزتهم رطين وقرق
ورى تبةٍ عن شوف راعيه حاجبته
عطاه الثلاثه واعتزوا ومرقوا به مرق
وتنهض تقول ان اشهب البنق ناجبته
وتقفّاه من حمر الشراشير رعد وبرق
تخلّي ردي الخال يذكر معزّبته
على محكماتٍ بالصواميل يلعب ورق
عراض اربعٍ عن روبة القاع ناهبته
كفر فيه واحرق نار عمّار جوفه حرق
تحت صارميٍ شهب الايام شاهبته
ذخاير نعاتيتٍ ليا جا الجد فيهم فرق
طحاطيح قومٍ كل فنجال شاربته
فروا نجد بالحدب الوريعه وطول الزرق
على عادياتٍ كل نمرود مرعبته
خذوا نجد عنوه ماخذوا نجد نهب وسرق
عمود المسمى عن هل البوش قاضبته
يتلّه مثل منصور في ايمن خشوم البرق
يوم انه جدع فيصل عن الجمس برقبته
عطى به طريقٍ بين مشرع وبين الطرق
وتجافوا عنه كن العفاريت ناهبته
تراها سواتك في ياحي هاك الفرق
ثمر قحويانٍ جوهر القلب خربته
تتل الضماير تل غربٍ يتله زرق
تجوّد بثقله في عراويه وكربته
على دربهن من جال تيما تعرقا عرق
وعلى غير يمّه للنخل جات جاذبته
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.