الواحه

بأسمي وبأسم الشعر وأهله وجمهوره
بقول مبروك لك مليون يلواحه

في ظرف فتره وجيزه صرت مشهوره
يافاتنه لك قلوب الناس مرتاحه

ياطاهره ماتبث لقطات محظوره
من (برتقاله)و(رمانه) و(تفاحه)

في عصر فيه الفضائيات مسحوره
بأهل الغناء والطرب و(شات) ورباحه

لها خطط واضحه وأهداف مستوره
يالله عساها من الأطباق منزاحه

يقولها من طغى اغيابه على حضوره
وليا حضر تشتعل بحضوره الساحه

يشارك اخوان شماء وأخوياء نوره
ولكل أبناء الجزيره فرصه امتاحه

يربطهم الدم والعادات مأثوره
والدين والأرض وتاريخ وجراحه

يامن تجاهلته التاريخ ودهوره
وغرتك كلمة التغيير... ورياحه

أتعلم اشلون بدوي (يعشق) اجذوره
يواجه العولمه ودينه اسلاحه

افضل هوايه عرفها القنص بطيوره
ماتشوف وشلون تقبل عند لواحه

بيته شعر مايهمه فن ديكوره
ونار قربه ..عليها ادلال فواحه

لو تسأله هل سمعت او شفت شحروره
بيقول ناقه... على ماظن ف الباحه

مايحسب الوقت لا ايامه ولا اشهوره
راضي بما الله عطاه ويحس براحه

وأهني الي خذا له بنت أموره
بنت ابدوي لاعرف بالسر ماباحه!

رزينة العقل بلأخلاق مذكوره
ماهمها شعرها.. صبغه وسراحه

ياواحة الذوق مأجوره ومشكوره
القصد واضح ومايحتاج وضاحه

بنقيم لأهل الشعر دوره وراء دوره
وأناء بشارك وباساهم في أنجاحه

وأقولها عاليه بصوت وصوره
يكفيني الفخر بأني شاعر الواحه