لاتعتذر مليت من كثر الأعذار
ومليت من كثر المشاوير مليت
شفتك (نهار العيد) طالع من الدار
اشرت لك وبعالي الصوت ناديت
بس قصدي.. أهنيكم ب(عيد الفطار)
وأنت... ماكلفت نفسك.. ورديت
لاتقول عندي كان الى السوق مشوار
وبعدها ي(يحسين) رديت ع البيت
المعذره منك وهذا اللذي صار
وخطيت لكن دون ما اقصد لو أخطيت
لاتعتذر... ماعدت متقبل اعذار
ماينفع المغدور.. ياليت.. ياليت
حذرتكم مره ومرات ومرار
مفروض تسمعني ولاكن تماديت
وقلت لك لا تأمن الوقت غدار
تصبح على حاله وحاله بها أمسيت
والعشق عالم غير وسراره اسرار
بعدك صغير... ومابناره تكويت
وقلت لك في الناس اشرار وأخيار
وأنت تشوف الخير والشر ماريت
وقلت لك لصدق والكذب معيار
وقلت لك عن كل شي بس موحيت
كنت ادري انه يعجبك لفت الأنظار
ولجل ذا خصيتكم في مية بيت
لما استوى ديوان جاهز للصدار
ماقلت لي مشكور... كفيت ووفيت
يكفي ندم ونذار وعذار وشعار
لاتقول لي (روميو) ولاقول (جوليت)
حبيت احيطك علم وأزيدك اخبار
دامك كذا من بين الضلاع شديت
أفكار تتلاقى وتتناقض افكار
وياليت يتحقق لي الي تمنيت
وأنا من الي مايشق لهم اغبار
الي بهم وقت الشدايد تعزويت
لي وقفتي واحارب النار بنار
وأن واجهتني مثل ربعي تحديت
ارضي جميع الناس وفزع مع الجار
ومن ينتخي بي ساعة الضيق لبيت
أحترت في أمرك ولازلت محتار
لأني أجهل نيتك لي بها انويت
والله هو العالم خفيات الأسرار
وجهت له وجهي حنيفاً وصليت
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.