الووووووووو

الووووه وينك؟ ماتجاوب علينا
عسى أن ماعذرك سوى ضعف الرسال!

على الأقل طرش (مسج) لو تبينا
نعرف عن أوضاعك ونسأل عن الحال

من يوم غبته والقلق معترينا
أربكت افكاري ومشغل لي البال

اقول يمكن عافنا مايبينا
ويمكن غدى في الأرض سائح ورحال

وجايز زعل منا وجايز نسينا
وجايز نسى روحه مع شلة اطفال

أن كان حبك شي مقدر علينا
لازم اصونك عن هل القيل والقال

أساعدك للفوز دنياء ودينا
وأعلمك وشلون الأحمال تنشال

واعلمك غدر الزمن والسنينا
وأعلمك تتجاوز اخطار وهوال

أعلمك وشلون تقسى علينا
وأعلمك وشلون ترفق بلحوال

في عصر تنهش فيه (روبي)و(دينا)
و(نانسي)وأمثالهااشباه الرجال!!

لارده الله يوم فيه ابتلينا
بأهل الخلاعه كل فاسق ودجال

ولارده الله يوم تطلع علينا
موضه تقول استار اكاديمي ا(اسبال)

لجل أبعدك عن كل شيً مهينا
قررت ادورعنك مهما الزمن طال

بحثت عنك عن يسار ويمينا
ونشرت في (حيك) جواسيس !! يهال

وفي مدرسة مؤته وحول ابن سينا
ولفيت مابقيت في (الدار) منزال

الا وأنا أسأل وين؟!من شاف؟(لينا)
وترقبك في كل مخرج ومدخال

في(المول مارينا)وفي(ألمول مينا)
وفي كل (حته) في المدينه ولازال

الا أذا قررت فجأه تجينا!!
وتجيب عذر(ن) ماطرى لي على بال