صدري تفجر بتماثيل مجراه
وانتج بيوت تو فكري صنعها
جار وتفجر وانفجر وانتثر ماه
وفك السدود المغلقات ودفعها
وقامت هواجيسه بالافكار تشعاه
وانشا البيوت المحكمه واخترعها
والشعر لا زين ولا زان مبداه
صارت ابيوته ما يوافق سنعها
واللي يخوضه ما درى ويش معناه
كا غابتٍ من خاضها ما قطعها
واللي يدور منطق العرف واخطاه
قصده دواء عينه وبيده فقعها
وإلي يكوده فعل الامجاد بصباه
لا شاب لوهي جغمتن ما جرعها
والمجد صعب ويتعب النذل يرقاه
وبه طلعتن ما كل من جاء طلعها
وملا يودك فاسعد الوقت فرقاه
ونفس تبيعك بارخص السعر بعها
واعرف سنع وقتك ودربه وممشاه
وانطاعتك الايام ولا فطعها
ولا يغرك كثرت المال والجاه
ونفس مايطري عليها طمعها
وقت وطا راعي الدروب الخلاه
محد يحوف الديره اللي رتعها
واليوم صار الذيب والعنز والشاه
ترعا ويرعا الذيب والنمر معها
وبعض العرب لا قال الاشعار ماتاه
ان زانت القيفان ولا رجعها
ولا جيت ابترك منهج الشعر وانساه
هاضتني اللي عذبت من تبعها
الجادل اللي ماتعذبت لولاه
هاضت غصون بالموده زرعها
غض غطيطي ويسلب القلب بحكاه
حروف الموده في فوادي طبعها
ابو نهود في حشا الصدر تقذاه
حمر ثمرها والطفل مارضعها
والله خلق الانسان واشقاه واعطاه
وسبحان من يعطي العباد ومنعها
الواحد اللي نقصد البيت لرضاه
حتى خطى النمله على ارضه سمعها
نرجي عطا جوده ومده ونخشاه
يوم القيامه لا تدانت السوعها
الله يقدينا على درب تقواه
ويصدنا من سنة ما شرعها
وصلو على اللي بذكر الرب مبداه
اللي محى روس الطغاه وصرعها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.