ساح القصيـد

هَذه القصيدة عباره عن نتيجة محاوره لي و شاعر سعودي
الابيات الأربعة الأولى هي بدايتي في التحدي

مِن يدور في حياتي ما لَقى مَعنى الخَساره
حتى في غفوة جنوني امتلك وجدانِ صافي

في عيوني سِحر دافي يلهب عيون السهاره
و الحلا مني تِكون مسكنه حولي / ضفافي

جيتِ لِك كِلي و حَرفي ما نَويت آشِن غاره
مير رغباتي .. مَدافع .. تِلتوي بَين القوافي

وأبتدي نَثر المعاني بَعدما شِلنا السِتاره
لَجلِ نِبدا في وصوفٍ نجلي عَنها كِل خافي

أكتب حروفي هنيه و أكتفي بَعدِ الإشاره
بالعلومِ اللي تِبين مِن مَلامِحنا العِجافي

صار مَلعبنا سبيلٍ يسلكه أهل القَذاره
كل واحد يتبارى و يتمادى بإنجرافي

هاذي (إ) تميّل و هذا يسلب قلوب العذاره
ما بقى لِلشعر موقف غيرِ صَمتٍ و انصرافي

قَل مِن بِالساحِ يِملك حَرفِ يزخر بالجَداره
يَرفض أفكارٍ دِخيله و لمبادينا تنافي

ما نِشوف إلا مَهازل و الحبر قَل إقتِداره
و إن مَشينا ع/ الخَطيه مِني لِك هزة كَتافي

إطوي الصَفحات يالله ما على قلبك اماره
لو تَبي مِنها تِلاقي بَعضِ نفحاتٍ رهافي

مَا تِربع في حَناها غَير أضغاثِ إنهِماره
و الروابي بعد عِزّه مرها فصل الجفافي

يا خَساره لو تِغير شِعرِنا بأرض الحضاره
و الوهن بان و تكون فوق سَطح الود طافي

ما نِقول إلا أمَلنا أول النار الشَراره
يا عسى يِصحى بَعدها كِل مِن بالحلم غافي

ما ابي تِشهد حروفي بَعدِ عِزه إنكساره
يمتلي حلمٍ غَمرها بإنحدارٍ و إرتجافي

يا حَسافة يوم كِلٍ مِلتهي يصدح بِطاره
و المَلا ما بين ضحكٍ بين رقصٍ و اصطفافي

هذا واقف في يمينه .. ذاك يهتف في يساره
ياه مِن ضعف المشاعر بسنا خِذلان كافي