لا واهني طيورها في عششها
ماقسمت رزقه على الدين والكاش
تتبع هوى نفسه على كل مشهى
ما يوم من عفس التفاكير تنداش
الطير ماتدري خواطر دبشها
ما تشوف ماتكره وتغضي بالإرماش
نصيحتي من زرع قلبي حششها
اللي بصدره من هموم الدهر حاش
النفس اليا من ناب همه نهشها
الى جالها من جاير الوقت نهّاش
اخفه وصدرك لو ضلوعك عرشها
لا تشكي اوجاع الضماير على اللاش
ايام توفي دينها في ريشها
تمضي وحنا بين نافخ وفشّاش
ناس على ناس تنفِّخ خششها
ونشوف شيبان تزاعل بليّاش
والشر له ناس تنفِّش شوشها
ويلولشون لطاري الشر لولاش
دنيا دنيه لو زهت لك بقشها
جودك وماجودك بلا جودها ماش
إن عجعجت قشّت علينا قششها
وإن امطرت سيله للأجداث قشّاش
لا يخدعك به رش بارد طششها
خف من غرقها كان ميزانها طاش
ماحد يعز النفس حزت عطشها
لو طول عمره بعزة النفس معتاش
يرمي بنفسه فوق فارغ غرشها
ويمص من ناعم ثرى القاع واجراش
يخفي بصندوق الضماير غششها
ينفش لو في بعض الايام يرتاش
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.