اكره اشوف الدمع. لـ تركي الجساس

اكره اشوف الدمع - تركي الجساس

يقّدم بالبشر زمرة أنذال
وش عاد لوتلبس جديدالهدومي

والناس تفرق والبلاء عدّت أشكال
وراع الطويله عالين كالنجومي

وقت ٍ تمادى وأسودالوجه محتال
لابارك الله بالردى والرخومي

والمرجله ماهي ترى ثوب وعقال
المرجله فعل ٍ يخص القرومي

وقت ٍ يخلي راع الطيب بذلال
ويسودمن هومايقيم السلومي

والكذب زادوراعيه شخص دجّال
ونكره سوالف مدعين العلومي

وبعض الذكوروليتها تلبس جلال
والنفس عنهم يعلم الله تشومي

هذا زمان ٍ سادة أنذال بريال
ناس ٍ على بحرالنذاله تعومي

لكن نحمد الله على كل الأحوال
الواحد اللي كلنا له نصومي

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.