الغلطه. لـ تذكار الخثلان

الغلطه ماهي غلطتك بالعكس صدقني

المره هذي أنا اللي كنت غلطانه

غلطانه لني تركت ايديك تحرقني

ورضيت أبقى تحت رحمتك منهانه

صدقت إنك على قولتك تعشقني

واني أنااللي تبيع العمر من شانه

شملي وجمعته عشانك يا مفرقني

وعمري قضيته على لقياك حلمانه

جيت اتنفسك وانته جيت تخنقني

يا قلب ضيع مع الأيام عنوانه

كم كان عندي أمل إنك تروقني

وتمسح دموعٍ من الأحزان غرقانه

كنت اتوقع قبل لا جيك تسبقي

والقى فقلبك بعد ها العمر لي خانه

حسبت لكن حسابي خان وارهقني

ولقيت نفسي في آخر شي خسرانه

الغلطه ماهي غلطتك والله صدقني

المره هذي أنااللي جد غلطان

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

الغلطه