يابو بدر حركت فيني مواجع
مواجعٍ درايتها لاجل م انهار
ذكرتني يابو بدر بالمواقع
اللي لها في داخلي الف تذكار
ذكرتني يوم اللقا والموادع
وتلويحة الكفين ودموع واسرار
وذكرتني اللي كل ماقلت راجع
عد الثواني والدقايق ولامتار
وان شافني مايملك الا المدامع
وقام يتحضني بلا اشعور وافكار
ماهو مصدق حلمه يسير واقع
ترجف يديه وكن في صدره الطار
من كثر خوفه محتويني وراكع
يخاف من بكره ولفات الاقدار
اموت فيه ان قال لي انت سامع
يحرم عليك انك تخطي ورى الدار
واموت لامنّه لعب بالاصابع
من بين شعري وايتغزل بالاشعار
الله يا وجهٍ كما النور ساطع
وانفاسه اللي كنها عطر الازهار
والضحكه اللي سرها حيل باتع
ما كنّها الاعزف باوتار قيثار
مثل البدر لاوالله الفرق شاسع
هو في جميع اوضاعه يشع بانوار
يا وجد قلبٍ بين الاشواق ضايع
ما يقتنع بالواقع وكثر الاعذار
واذا عذلته قال هذي !!!!!ودايع
والله ما بيعه ولو صار ما صار
كيف اعتذر من شرفته والشوارع
لاساقني شوقي لها دون ما اختار
وكيف اعتذر من طيفه ان قال بايع
لا والله الاالموت !!!عن قول غدار
شفني على ذكراه للوصل جايع
وهو على ذكراي يعطش للاخبار
يا بو بدر قلبت فيني مواجع
ارفق على صاحبك قرب وينهار
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.