يالله يالمعبود عليك الافراج
اللي لاضاقت لعبده فرجها
ياخالق خلقه جماعات وازواج
وياباسط سبعن بخلقه نسجها
تفرج لمن كنه على حامي الصاج
والنار في قلبه تزايد وهجها
هات الورق بالبوك واحضر لي الزاج
ابيات مختارات فكري مزجها
اغني الطاروق ماهو بمنعاج
من واحدً لاقالها ماطعجها
بعض البيوت يصير لها وقع وعلاج
تشفي النفوس اللي قديمن حرجها
مابين اوضاعي الاصرت محتاج
الا على اللي لانصيته بهجها
مابدي خوافيها على كل هراج
يعكس معاني جابتي لاهرجها
ولنا معا طلقين الايمان منهاج
اقدر العراف وانهج نهجها
المرجله وهبه وصعبه لها ادراج
وترا الردي ماهو بيرقا درجها
ومن بعد ذا حول على عين هداج
ماها عذي ماذكر بالما دبجها
هاذاك لمعان الوفا نلبسه تاج
مثايله مثل الذهب بمخرجها
لامن نصيته حط لك فله حجاج
والسالفه لاجابها مابعجها
من روس ربعن فعلهم يبهج ابهاج
هواشله وافعالهم نبتهجها
لاجت علوم اللي بها مس وازعاج
على العدا كلن برمحه زعجها
وربعي مثل ربعك لها مجد وابراج
لاجا الدخيل يصير بعالي برجها
خضران معروفين وللضد تنعاج
لاجت ركايبهم تواما زرجها
اللي على الصاحب منارات واسراج
ويعدلون اللي يميل بعوجها
تعرف منازلهم جنوبي الافلاج
حامينها وهاذي وثايق حججها
وصلات ربي عد مادايجً داج
على رسولً عرج به بمعرجها
واعداد ماتقبل على بيته افواج
واعداد حجاجً ببيته لججها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.