هذه ابيات تهنئه للعيد:
الناس تفرح كل ما قالوا العيد
عيد الفطر ولا بعيد الضحيه
في كل عام يزيد بالنفس تجديد
غلاه وايضا محبة ٍواقعيه
يشعر بها المسلم بلا شرط ٍوقيد
لتبع كلام الله وسنة نبيه
ويالله عسى الاعياد دايم لنا تعيد
ويعيدهاالمولى عليك وعليه
وعلى الذي من حولنابدون تحديد
ونعيشها مع بعض فرحه سويه
هذا رد الشاعر/ عبدالعزيز جميل:
يامرحبا ترحيبة ٍبالاجاويد
ربع الوفاء واهل النفوس الابيه
العيد عاد وفيه للود تاكيد
ياحبابنا منا تهاني نديه
وحنا نهني الكل من غير تحديد
واهني الاحساس والنرجسيه
الليّ غلاهم دايم يزيد ويزيد
والعيد هذا صار زايد شويه
وانته بحر تحتار فيه القواصيد
واقبل ردودي يالبياضي هديه
واجبت عليه بهذه القصيده:
دام البقى يا مرهق الجيش بالبيد
لازرفلن في صبح ولا عشيه
وان روحن لو يطلبن المواريد
ماياردن ياكود حوض المنيه
بنات فكرك لو يجنك شواريد
تسوقهن سوق العصا للمطيه
وان شفتهن شوفة بطون البواريد
قبل الطلق لا يلحق البندقيه
تجند افكارك على كيف ماتريد
وتحدد اهدافك على اياة نيه
وفيت فيما قلت فالعيد وتشيد
وفي شعري وافخر بما قلت فيه
قناعتي بك شاعر وشاعر مجيد
لك في مجال الشعر روحه وجيه
وانا كتبت التهنيه بدون تقييد
للكل ما حددت نوع الهويه
لليّ مشى فالارض والليّ على الحيد
بابيات شعر وصغتها بالسجيه
وانته تباها بالنحر واتلع الجيد
ولا بعيون الليّ تقودالضبيه
وتعيد ذكرى ما مضى لك مع الغيد
في وقت كنت تجاوب الراعبيه
وكان اقربنْ مهرفلات الاواليد
فالعيد هذا منك صارت قضيه
ولا والله الا تضرم النار وتقيد
وان ولعت تبقى على طول حيه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.