ياطير رفرف بجنحانك على شاني
اسّلم وسلم على من صابني ودّه
ودعتك الله تمر أعز خلاني
بيني وبينه تجيب العلم وترده
ياطير قله بعد فرقاه وش جاني
احسب الوقت بالساعات واعده
وانا أدري انه قضى صبره على شاني
لكن قله ترى اللي حدني حده
ون كان ياطير محبوبي تباطاني
والله لجيه مهما طالت المده
استعمر الروح حبه لين خلاني
غيره من الناس مالي يمهم لده
يكفخ له القلب لامنه تعداني
لغضى وكنه سلام السنه يرده
ون سلهم الرمش يامرني وينهاني
والموت لاصار له مع نظرته صده
نجلاً تهز القلوب الخضر من داني
برماح قوماً بيوم الثار مستده
روحي فدا العنق والا .. الصدر .. لا .. باني
والا .. فدا الشامه اللي في طرف خده
ويفداه كل البلد قاصيه والداني
ويفداه شين الحلا لو هو من البده
لامر طيفه بحلو النوم سراني
يلعبي الموج مع جزره ومع مده
والله لولا يقين النفس وايماني
اليا ذكرته ياصدر الثوب لقده
وليا نسيته يعل الله ينساني
منسا وليفاً ذكرني ساعة الشده
حتى يوارا النعش ويشال جثماني
ورحل عن الناس واللي صابني وده
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.