يامرحبا وأزيد ترحيب وأضيف
بالنادر اللي فيه طيب وشهامه
نادر حرار ٍ ماكره فوق ومنيف
فوق الشواهيق الطوال الأقامه
صيده من الجزلات ماجاتك اضعيف
اللي تقود الصيد بأول سهامه
له صايد ٍ عطب المضاريب كالسيف
ومناشه الصايد بعيد السلامه
(الحر الأشقر) مايبي زود توصيف
بانت أوصوف الحر باول فطامه
ولاهو من اللي يحمل الكبر والزيف
الطيب كله نايل أعلى وسامه
يامكرم ٍ جاره ويامكرم الضيف
بالحيل ولا ماتطاول سنامه
كسبت اليوم أعلى مكاسب وتشريف
أبمعرفة سعد كسبت العلامه
مابين . بون . وكان . وباريس . وجنيف
أقبل سلام أخوك وأقبل كلامه
وسلم على أهل الجزل من دون تعريف
على جميع أعضاءه ماخص عامه
لا يوجد تعليقات.