مادام انا كفيت خيري وشري
سئلت نفسي ليه وش للبشر بي
وشربت من كأس العنا شرب مري
جاملت بعض الخلق حتى غدر بي
طالعت وقتٍ فات نجم المجري
اثره خيالي مال بي ثم شهر بي
وحاربت قلبٍ بين ضلعين فري
حتى وقار الناس شفته ظهر بي
وياما شعرت ببرد والوقت حري
لاشك تال الوقت مال الدهر بي
الحال ياابوبجاد عيت تسري
صبرت حتى اليوم حل القهر بي
ان كان ودك ياصديقي تمري
وضحت لك باالقاف مضمون دربي
اليوم مالي من زماني مفري
جار الزمان وفيه انا اعلنت حربي
واجبت عليه بهذه القصيده:
يامرحبا ترحيب معلن وسري
واعداد ما هبت من الريح غربي
باالخط والليّ موصله في مقري
من الذي في منزلة ناس قربي
لحظة قريته فر قلبي وكري
زالت هموم النفس والقلب طربي
لكن مضمونه لي القلب جري
وعن عالم المخلوق فوق ادهر بي
يا حول يا دنيا دوام ٍ تغري
حتى على الاصحاب شركِ تدربي
ياصاحبي عيت عليه تدري
قبلك ليما عفت زادي وشربي
بعض العباد تقول ماسٍ ودري
لكن حقيقتهم من الناس جربي
ابعد عن اُناسٍٍ وفاهم توري
ذولاك ما بيت الرجاجيل غربي
وانته فهيم وتعرف الليّ يضري
تفرق معامير المباني وخربي
وختامها مني تحية مبري
والعذر منك ان كان قافي قصر بي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.