جرح الصديق. لـ محمد بن سيف

جرح الصديق - محمد بن سيف

يالله يالي لامرك الخلق تنصاع
تمطر ويغسل كل قلبٍ(ن) بسيله

هذي ثلاث شهور والقلب ملتاع
اعدها في كل يوم(ن) وليله

امشي كبْر وادس جرحي بالاضلاع
جرح الخوي يبطي غزير(ن) مسيله

مره اقول انه على الدرب ثم ضاع
وارجع واقول انه بدربي دليله

ومره اقول انه زهدنا وبياع
وارجع واقوله انه رفيع(ن) سليله

ومره يجض القلب وافزع مرتاع
ابطى عسى ماذاق لوعه وميله

ابحث له الاعذار في كل الاوضاع
مثله قليل ونادر بكل جيله

مرت ثلاث شهور صابر وملتاع
والجرح في صدري غزير(ن) مسله

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

مناسبة القصيدة

ارسل احد الاصدقاء بيتين بعد انقطاع دام اكثر من ثلاث شهور قلنا بعد يومين بتزين الاوضاع****لكنها صارت ليالي طويله متى يدق القرم وتهون الاوجاع ****مير البلا قفا ولا اعلن ارحيله جاريتها ,,,,,,,,,,

عناوين مشابه