ابتدي بأسم الاله المبتدى
واحدٍ مافيه غيره يعبدا
مرسلٍ الرسل لاجل يوحدا
الفخر بالدين والفعل الصحيح
الفعول اللي تخلدها الجدود
فالشجاعه والكرم منها نزود
فعل شيبانٍٍ مضوا نعم الاسود
الفخر بالدين والفعل الصحيح
فعل واضح افتخر به كل حين
عن جدودي وارثينه من سنين
جذعنا اللي يزبنه يصبح أمين
الفخر بالدين والفعل الصحيح
جذعنا مركوز وكلٍ يعرفه
وكل واحد من ربوعي يشرفه
والعواني ينولهم ايضا اشرفه
الفخر بالدين والفعل الصحيح
جذعنا مافيه غيره قد حصل
لاقديم ولا جديدٍ له مثل
ولاحدٍ قد عد مثله من ازل
الفخر بالدين والفعل الصحيح
القبايل من قريب ومن بعيد
يشهدون إنا وذا علمِ اكيد
ولاحد يجحده والوالي شهيد
الفخر بالدين والفعل الصحيح
كاسبينه يوم زيغات العقول
يوم كلٍ يظهر زين الفعول
ومن كسب لابد من فعله يطول
الفخر بالدين والفعل الصحيح
لآبتي ياللي لصوتي تسمعي
من بني مخضار لآد مجمعي
لابتن للمجد دايم تطلعي
الفخر بالدين والفعل الصحيح
والسبيعي اصل فخراً احمله
بين كل الناس ماحب اهمله
ومن عرف به اشهد انه يجمله
الفخر بالدين والفعل الصحيح
والختم صلوا علي افضل نبي
عد مالاحت بروقٍ تعجبي
عالنبي الهاشمي اليعربي
الفخر بالدين والفعل الصحيح
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.