ذبح قلبي وحبيته...!!!!!!. لـ فارس السهلي

ذبح قلبي وحبيته...!!!!!! - فارس السهلي

نصيحه قبل لا تحسب خطا غيرك تحسب خطاك .؟
وقارن في مقاييس الهوى ونظر وش اعطيته .?

صحيح إن الزمن قاسي , ولكن انت وش قساك .!
مشرٌع للهوي قلبك ... ويوم اقبلت صكيته .!

أحبك جات من قلبك وماتت قبل تصل شفاك
ربيع احروفها الاربع امانه وين وديته ؟

تحلمت انك الفرحه , وشوف الحين كيف اصحاك !
مدامك ماانت متحقق .. كسيرك ليش صحيته

انا عجزان افرٌق في ملامح قربك وفرقاك
كأنك لغزفالدنيا واناببطي ماحليته

إذاخوفك سبب صمتك وش اللي للهوى وداك
وش اللي جابك ف دربي وحبي ليش ماخفيته

تعال و وضح اسبابك واناقشهاانا وياك
تعال وقول لي هالليل وش قصة تناهيته ؟

وإذاحالي كذايرضيك اناكلي فدا لرضاك
لواني صرت الاعمى اللي بتال الليل سريته

يهون ولايهون العمرلامن ضاع في رجواك
وإذاناوي على عمري وش اللي عاد خليته

لك الله شاري ٍ قربك وخايف لا انصدم بجفاك
مدام انت الوحيد اللي ذبح قلبي وحبيته

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.