هلابك يابعد عمري علامك ضايق وزعلان
هلا بالي عشان ارضيه كل الناس ازعلها
كفايه وامسح ادموعك ونشف خدك الذبلان
وش الي صار بالدنيا ودمعاتك ينزلها
قسم بالله يا الغالي من البارح وانا سهران
خفق قلبي علي بحه بصوتك ماتحملها
أمانه يانضر عيني بلاش تكمل الاحزان
وكف الدمع في عينك طلبتك لا تكملها
دخيلك ليه متضايق كفايه يا اعز انسان
حرام الدمعه اتجرح خدود الله مجملها
كسر صمته بعد مده بدا يعزف من الالحان
عزف لحن العتاب ومن طبوعه ما يبجلها
عزف عود الفراق بحس راقي ضابط الدوزان
كتب قصت مفارقنا وصوت العود جملها
علي احساس ضايقني صبأ ما يروي العطشان
يضيق خاطر السامع ويدبل كبد شايلها
بدا يكتب عن الفرقا وكان محدد العنوان
نطق عنوانه مفارق ( خذ الفرقا وصاملها )
تركد خل فيك شوي حنيه وطبع احسان
انا ماكلت امتوني همومك واتثاقلها
تجيني مندفع كلك تركد للرضا بيبان
فضا قلبك من عتابك وبيبانك تقفلها
تقول اني تغافلتك واقول انك حشى غلطان
تقول اني بديت انسى واقول الله يسهلها
تقول اني ابي غيرك واقول بقلبي الاوطان
حشي ماشافها غيرك وغيرك ناس اجاملها
قسم بالله في قلبي علي القمه لك اعلي شان
قسم بالله لو غيرك تبي تصعد لنزلها
تصدق فيني العالم يقول فلان قال فلان
قدر يقنعك بسهوله .. بعقلك كيف دخلها
تذكر دايم تردد ... عليك اغار مهما كان
هدام بيوت هالغيره عسي ربي يبدلها
عسا ماينهدم بيتك ولا يختل به بنيان
ولا يسكن به العاذل ... ولا حالي يبهذلها
تعبت اشرح لك اوضاعي وانا من غيبتك تعبان
شف الي ريحك سوه وابد ماني مقفلها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.