ان كان ليه فالزمن ناس واصحاب
محسوب عندي من خيار الاصاحيب
مثلك رجل عن ناظر العين ماغاب
يوم ان بعض الناس فاللازم يغيب
صاحبك من سهم المقادير منصاب
جرحه مع الايام مدري متى يطيب
وضحت لك مابي وذي كل الاسباب
ادعتني لو اسمع صدى الصوت ماجيب
واجاب عليّّّ بهذه الابيات :
ماعمر ظني فيك يا صاحبي خاب
رافع لك البيضاء بروس المراقيب
أرفع نظر عيني على كل مرقاب
عاهدت نفسي فالزمن مارمي الذيب
سلامتك والجرح تلقى له اطباب
انته خويي والخوي له مواجيب
الا الهوى والموت وفراق الاحباب
عجزوا عنه فالوقت عكف الاشانيب
ارجوك وضّح ما حصل وافتح الباب
تراي من ما قلت صايبني الريب
واجبت عليه بهذه الابيات :
لو من جروح اهل الهوى يا حسن طاب
عندي ماياخذ وقت بالحيل ويطيب
ولو انها بالعقم والا بالانجاب
دبرتها لو من عيال الانابيب
جرحي من الليّ منه راس الولد شاب
لونه صغير السن يطلع به الشيب
ومن الذي عديتهم عد وصعاب
ثاني ثلاثه يا بعيد المضاريب
جت في عزيز وشخص من عز الاقراب
غالي على قلبي ومن روحي قريب
وانته قريب ولا انت من ضمن الاجناب
اخت وتولاها الولي عالم الغيب.
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.