ج ــــلسة ود. لـ سلطان الفريدي

ج ــــلسة ود - سلطان الفريدي

الصمت أبلغ من كلام نقوله
لاصار يوصل فكرتك دون اخطاء

حاول تلف الكون عرضه وطوله
تلقى بشر بيضا وبه ناس سوداء

وماكل ماتسمع لزوم (ن)تقوله
يعني بلاش تكون ساذج ومومياء

وترى العجاج احيان سبة حصوله
ذنوب ابن ادم كبيره وشنعاء

وترى المطر احيان سبة نزوله
دعوة رجل صالح اصابته ضراء

والفلسفه تدخل عالم مهوله
والفلسفه تكثر لدى جنس حواء

عندي طلب واحد وودي اقوله
صفو هنا صفين من دون ضوضاء

والكهرباء ياليت يقطع وصوله
ودي بجلسة ود من دوون اضواء

حبيبتي فّ الركن هذا خجوله
سميتها يّ ناس غاده وحسناء

قصة هوانا من زمان الطفوله
ما كنت أشوف من النساء غيرها لاء

معها عرفت الحب على اصوله
الزين فيها يكسر أرقام هيفاء

حتى النساء يّ سعود لحظة وصوله
كل(ن)تمنى إسمها بس غيداء

شفت القمر يّ سعود منهو يطوله
غيدا تشاورله وينزل وترقاء

لاسلهمت في رمشها ضعت حوله
صارت حروف الكون في نظرتي ياء

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.