قالولي عيد الحب جاء شتسوي له ؟
سؤال حطّمني وترك قلبي منصاب
أربع سنين ياهيه عوّدتني له
وهالعام وَحْدِي مالي عشّاق وأحباب
بعد الخيآنه (قلبي) واعزتي له
ماله مع العالم ذهآبن و إيّاب!
عاف البشَر من شان ماينحني له
يرحل عن الدنيا ولا يوم ينعآب
بس الوفا بالقلب صعبه يشيله
حتى مع أن حبّه معي كان كذاب
بيَعرِف مع الأيّام ماله مثيله
قلبي ؛ ولو ماهزه البُعد وغياب
الناس تَحزَن على أيامن قليله
اللي قضتها مع بشَر كانو اجناب
و" أربع سنين" ويّآه صآرت فشيله
عدّت ولا كَنّا معاشيق وأحباب ، ،
أنا اشهد ان احمول صارت ثقيله
وأنا اشهد ان القلب بالوقت مرتاب
هذي الحياة نعيش ومافيه حيله
مايفيدنا بالوقت شرهات وعتاب ..
و هدّت سود الأيام حيله
كم جرح طوّف بس به جرح ماطاب!
اكتم جروحي، و بالدوا مستحيله
اسكت ، إلين الحق في وقتنا غاب
تساهل طعوني بأيّت وسيله !
وتنكّر بطِيبه وكشّر لي أنياب!!
مدري هو الحب صعب بالحيل نيله؟
ولا الخيانه موضه لكل الاحباب ؟
مدري مقاصيد الخيانه نبيله ؟
ولا لزوم تذوقها كل الأشنآب ؟
ليه الحبيب أصبح يُدوّر بديله؟
ليه الوفا دربه صعيبن وغلّآب ؟
لو بالوفا كل منّا ينفض شليله
حتى بأسمه أقدر افتح لي أبواب!
بس الخطأ عوّدته يشفي غليله
وأخذت كل أخطاه في حل وترحاب
لو اني كنت ازعل ليالي طويله
كان يحسب لزعلي وللضيقه احساب
زرعن زرعته بالوفا جاء حصيله
صدمه و خيانه و دموع من الاهداب
بعد الخيانه .. ليت كمّل جميله
وروّح عن عيوني ولا يمر بالباب
مدري بيقهرني .. يمر كل ليله
ولا بيجيني بس يلعب بالاعصاب ؟
جاني بعذرن ليت دوّر بديله
يقول : حنّا بس رفقان وأصحاب !!
تكفى دخيله بعد الله ودخيله
ياليت ساكت بس ولا يقول الأسباب
حتى المشاعر بالمحبّه بخيله
ماكان يعطيني من الحب الاعجاب
كانت جروحه بالخيانه أصيله
وعيد المحبه صار للضيق جلّاب
قالولي عيد الحب جاء شتسوي له ؟
قلت : اسمحولي مالي بالعيد احباب
أنا لي وبجي له
وبذكّرَه بطعون كانت بلا أسباب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.