ليه إذا جتني حظوظ اموفّقه قالولي ليه؟
وليه إذا صارت دروبي عُوْج ماحدّ التفت؟
ليه إذا راقت مشاعر اعبست لي هالوجيه؟
وليه إذا تقسى مشاعر هي نفسها اضحكت؟
ليه إذا حبي رجاني قالوا لا لا .. لا تجيه؟
وليه إذا حبي عصاني قالوا شفتي وانتهت؟
ليه إذا ضاعت حروفي بين همّ وبين تيه؟
ليه شافوني سليمه وعقلها فيه احكمت؟
ليه إذا ردّت حروفي والقلم تركض إليه..
ليه عادوني وقالوا هاذي مجنونه اكتبت؟
ليه اذا تسهر شجوني همّ زادولي عليه؟
ليه اذا تسهر عيوني بِرّ قالوا أسلمت؟
ليه إذا جاوَبْتُهُم بالحق قالوا سكّتيه؟
ليه إذا أسكت تعالى صوت كلمة مَفْهمَت؟
ليه إذا أمشي جموحه قالوا طولك وزّنيه؟
ليه إذا أمشي رزينه قالوا عني استكبَرَت؟
ليه أتعّب شاشتي؟ مسكين جوالي اشعليه؟
ليه أسأل وآتساءل عن نفوس استحضرت؟
ليه أفكّر وآنا مالي غير الله ايهديه؟
(ليه) كلمه .. وهي كلمه .. استغربت واستنكرت!!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.