وقِّفَا نبكي على غزّه.. وحنّا شايفين
جرح بغداد ٍ يصرّخ لين ما غرغر وهان
اعذريني يالعروبه (سامحي لو تسمحين..!)
(وش بقى لك من معزّه ..؟) (وش بقى لك من مكان..؟)
(مابقى لك) كود مجد ٍ في صحاح الأوّلين
كان باقي له حكايه في اساطير الزّمان
اذكرك في يوم كنّا بين حطّين وحُنَيْن
قبل لاتغدي سوالف كان ياما كان كان
اليميني لو يأشّر للّكود بطرف عين..؟
تندلع نارٍ لها ياقف ويسجد موبذان
لك ابن عبدو يغني مجدنا يا ليل دان
(دام ذي رفعه..؟ )(طماني مايوَصّم بالجبين)
ماخبرت العز ذلّ .. ولاخبرت الذل شان
دام هذا حالنا.. والجرح في قلبي دفين..؟
بسّ مابي ابحثه , مابه على فتحه امان
ياصحيبي لاعدمتك خلّنا نسكت لحين
ودّيَ انسى ودّيَ اضحك بس فات ابْنا الاوان
كيف بحكي عن هنوف ٍ (جدّدت فيني ثنين)
(ميّ عيني) (دمّ قلبي) (واستباحت هالثنان..!)
استباحت حاجتين ٍ في نطاق الحاجتين
عيطموس ٍ مستبدّه لابغت قاسي تلان
استباحت دمعي (ابّعد اليدين عن اليدين)
وسْتباحت دمعتي (لحظه لقاها) يافلان
استباحت دمّ قلبي في (وداع العاشقين)
وسْتباحت دمّ قلبي في (عناق المغرمان)
لاتسائل (عن هواها.؟) (عن غلاها.؟) (عنّ مين.؟)
يا تعزوت ...؟ ثوّرتنا مثل ما ثور الدّخان
ذي..؟ (عروبه) لاتسائل كان لك قلب ٍ فطين
لاجفينا جت تنادي وان وصلنا ماتدان
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.