تملكك الوله لما صحيتي وما لقيتيني
نسيتي ان الوله باعمق بحوره أمس غرّقني
تركني حاير وما بين مشتاق ووحشتيني
لقيت اني بكيت ولا لقيت انسان يجبرني
وقلت اكتب قصيدي فيك عله بس يسليني
وجيت انظم حروفي بس طيفك جا وبعثرني
وهلّت دمعتي تروي جفاف ٍ صآب خدّيني
بعدما كان فرحي فيك طول الوقت غامرني
طلبتك لحظه من وقتك على بالك تخليني
واذا حسيتي بشوقي أبي مرسآل يطمنّي
ولكنك تجاهلتي وحسيتك نسيتني
ولا غير الوجع بالذات لحظتها تملكني
ولما جيتي اتقولي بمرسآلك فقدتيني
حزنت لأني ما ودي تحسي باللي أوجعني
ولا ودي بيومك فيني مهتمه وتشوفيني
مو مهتم وبحزنك تقولي ليه أهملني
بقول لك حاجه يا روحي وابيها بينك وبيني
وشوفي اللي بعلاقتنا عليك ِ دوم فضّلني
[ولا خِلْصَت ْ حكاوينا ما اشوفك تبوسيني
فاذا ما تدللي طفلك تبي منهو يدللني ؟
تبي من بالرومآنسيّه بيستوطن شرآييني
تبي من بالكلام العذب يأسرني ويسحرني ؟
اذا كنتي كبر كوني يا عمري عشقتيني
فانا كون المحبه من غرآمي ما تحملني
واذا بلحظه وله كنتي مشتآقه تضميني
فانا من شوقي لاحضانك لقيت الشوق يحضننّي
واذا انتي وافيه دايم ولا لحظه تخونيني
فانا الإخلاص من شدّة وفآئي قام يغدرني
ولا ظنيتي إنك في سبآق الحب هزمتيني
فانا من زود حبي شفت إن الحب كرّمني
لأني شفت أفرآحي فيك وزآنت سنيني
ولانه ما سوآ قلبك وطيبه فيك علقني
ولانك الوحيده اللي تهميني وتعنيني
ولاني فزت في حبك ولابي حد ْ يشآركني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.