المفارق ,,,. لـ علي بن فرحان

المفارق ,,, - علي بن فرحان

يالغايبه يالحاظره يالبعيده
ياللي علي اغلا من الروح والذات

يامرهفه ياذائقه ياجديده
عجزت ابوصفها شعور المعانات

ارقب وصالك في ليالين عديده
واستنفر الضحكه على غير مشهات

واسمع لحون الشعر واعطي رصيده
من البيوت الشايقات المسمات

واحاسب النفس الغلوط العنيده
واستذكر اللي راح منها ولا جات

ياكم على شوفه نويت الحميده
واسقي عيوني لذت العمر حزات

كم مره اجفوني نستني جحيده
لمواصل الاحلام في نوم وسبات

وكم مرتن هلت ولا هي وحيده
عبره ورى عبره ولا عشر عبرات

ياوجد حالي وجد منهو قصيده
اعطا علومه لكل حاسد وشمات

وياوجد حالي وجد راعي الشديده
خلاه وقته بين طيحه وزلات

الحزن ساكن والمشاعر عميده
والحب حي ٍ والمفارق مسارات

ماكل صيدن في زمنا نصيده
شين سمين وشي مافيه دسمات

وماكل من ياتيك تاخذه بيده
ترى العرب والناس جو لك مقامات

وترى المفارق ساد واحنا عبيده
لا تزعل السيد ترى الحكم عدمات

ودعتك الله ياقريح القصيده
الشعر شب وصاحبك حي ما مات

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.