هتز بإحساس وتحركني مضامين الحروف
وأطرب ليا مر الهوى يحمل صدى ضرب الدفوف
وأهيم ليه وكيف او يمكن من أحلامي أطير
وتشوقني بإسم المحبة لعنبوها يالهنوف
تبحر بي أمواجي هنا وأمواجها تبعد هناك
حظي كذا لا زان ما زانت صعيبات الظروف
يمكن يقولون انطلق واترك ردى حظك وعيش
ما يندرى لو صار حظي قبل هالشكل معروف
أنام وأتخيل كذا وأقوم من ضرب الجنون
وأسمع وأشوف المعركة إذا قوى صقع السيوف
ماهو جنون الا عيون الا خوارق من بعيد
الا سبب واقع مرير وعيشة أحزان وحسوف
نومي بليلي ساعتين من الكوارث والدمار
أنهيت ناس وناس أنهتني عسى ربي يروف
أجمع شتاتي بالزمن وأقوم في لحظة وأطيح
تتعبني همومي ويتعبني بعد هم الوقوف
تنهيني الدنيا بجسمي والجسم عادي ضعيف
لكن روحي شامخة ما يوم قلبت الكفوف
أتعبت رجلي بالمسير وضاقت الدنيا علي
صارت حياتي ظلمة الاجواء في وسط الكهوف
نادر بسبة ندرتي ينكرني العالم كذا
يمكن لأني أختلف متفرد ببعض الوصوف
أقصد وصوف أني صبرت أكثر من اللي يصبرون
الاسم أحمد واللقب أيوب والدنيا تشوف
آثرت نفسي لأجل غيري كنت طيب بس وين
من بعدها ما ارتشف الا من الحسرة رشوف
يا زين من دن دن على كيفه وجوه غير غير
يقطف من الدنيا حلاها لا بدا جمع القطوف
ما عاد باقي بالحكي كلمة ولا بالنور ضي
تغلفت كل الهدايا وانطفت كل الحروف
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.