يقول الاخ العزيز الشاعر
محمد المتعب في قصيدت
**********************
**********************
هالله على اللي مابعد دق سلفه
من وارد الساير شريناه بالكاش
منوة غشيم ٍ لاذكر دار ولفه
خلى الدوام وراح ناوي بمطراش
توه غرير ٍ مابعد خط زلفه
شواش وان سمع المغنين شواش
يسري بليل ٍ فيه الارياح صلفه
طار ٍ طرالي مااحتمل معه مغباش
ملفاه قرم ٍوالكرم طبع سلفه
ضار ٍمضرى عادته ذبح الاكباش
واليا بدا لك واجبك دون كلفه
( القير ) اعرفه لالفا الضيف بشاش
قل له غدى باوضاعنا اليوم خلفه
ياالله دخيلك من قشر كل حراش
لا واهني من يرمي الهم خلفه
عايش حياته كيف ما يشتهي عاش
واللي يدور مذبحه تحت ظلفه
ماينفعه عقب الندم دمع الارماش
والرجل ماله غير ربعه وحلفه
والا ترى باقي العرب طاش ما طاش
وهذا ردي على القصيده
************
**********************
**********************
اعداد رٌخمٍ ساق دلفه ودلفه
اليا تزبّر تنتعش منه برشاش
واعداد برقٍ لاح شلفه وشلفه
وعداد نودٍ يبرد الكبد والجاش
الفٍ هلا للضيف ماهيب زلفه
ارحب تراحيب القحاطين في جاش
للبيت باب وللدواليب دلفه
والقاف له شاعر ومعنى ومطراش
اتوق لا جات الطواريق جلفه
وقدح زنادي للمسُوحب وتنداش
لا ضاع منكم ياهل النوق خلفه
اظرب رقم سبعه ثلاثه صفر هاش
تلقى لها رواي ومروي وعِلفه
ما مات في البيدا ضما غير الاخياش
فالناس عرّافه وفالناس خُلفه
وناسٍ تحالف لك على كيس فش فاش
قرص الولايف لاحصل منه شلفه
لا تشتكي وتقول لي حالتك ماش
هذا زمان الخُلف مافيه ولفه
مايقلط المطنوخ في زور واعراش
اللي يقفي بالمواصيل ذلفه
تعتاز للطيب ولا عاد يناش
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.