اللي على الأمه يظل ظلاله
كفه كما غيث يشوق خياله
والغيث سمى من يمينه جعله
يبقى ومنزال الشرف منزاله
هذا ولد عبد العزيز اللي له
مجداً عظيم وكملوه عياله
عبد الله اللي لادعانا قمنا
لبى وطنا والندا لبى له
كفي مصقل والدروع ظلوعي
وكلي سهومٍ للعدا قتاله
أقل شي أقدمه لبلادي
روحي وهي من موطني وفدا له
قيد انمله من موطني قيمتها
روس النشاما كاسبين الطاله
حنى جنودك يامنار الأمه
حنى لعزك والعهد حنى له
كله عشان بلادنا والقاده
أبن البلد يرسي سواة جباله
يادار ابو متعب ودار الهادي
شعشع من ارضك نور خير رساله
من وسط مكه عم كل الدنيا
متوارثه تاريخنا لاجياله
واول بلد يحكم بشرع المولى
سلطه على اللي نيته بطاله
ولا بناسي عندنا بيت الله
ماشدت رحال العباد إلا له
يكفي شرف مليار مسلم صوبه
في كل يوم ارقابهم مياله
هذا وطنا عشقنا مربانا
ياكم فقير من بلاده جا له
ماهي غريبه لن عشقت بلادي
ولاني بأول واحدً والى له
كلي ولى لأخر دقايق عمري
قلته وجدي قبل اقوله قاله
وختامها قولوا معي ياربي
تحفظ لنا هذا الوطن وابطاله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.