يابــوي. لـ محمد احمد القبيضي

http://dc05.arabsh.com/i/00322/1008jtl5ep6e.jpg

صوره أثرت فيني

وقلت

يابوي تكفى دخيلك بس كلمني

أيوب صابر وصبره ماهو بصبري

يابوي تكفى دخيلك لاتودعني

أنا صغيره وزايد عقبكم قهري

أنا الذي ذقت حرك من صغر سني

والناس يابوي بعدك تطعن بظهري

يابوي خذني معك عمي يعذبني

يابوي تكفى تضم صدرك على صدري

يابوي عمي لاجوه الناس دلعني

قدامهم طيب ٍ والناس ماتدري

أني في غرفه كيبه مانشد عني

إلا ليا جاء يزيد الشر بالشري

يابوي هذا سوالي تكفى جاوبني

يابوي لامت من ياقف على قبري

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

يابــوي