ما فقدتك يا بعد حيّي بموتك
ما فقدت الا من الاشجار فية
الهجير اجتاحني والغصن صوتك
والقدر ما ظلل بصوتك عليه
شاء ربي ينكتب لي من سكوتك
ضربةٍ في الراس توصف بالقوية
من رحلت ومن تأكد لي ثبوتك
في حديث القبر باسناد المنية
والحزن ماهو حزن قبل ان يفوتك
هادم اللذات لا لا رحم حيه
والتعب من شفت من دونك بشوتك
كثر فيني والكثر ما هو شوية
من بعَدك وكل بيت من بيوتك
يبكي اللي عمّره من جود نية
والبخوت اللي تعَدّ اسعد بخوتك
صارت مْن الحزن مقرودة وسية
مت يالغالي.. ولا ماتت صيوتك
لو يموت الرجل ما يدفن خويه
باقيٍ صيتك مدام اقصر نعوتك
طايل العليا وغيث الجرهدية
اذكر انه كان لك يا عقاب نوتك
لاذّن المذّن وصرت تقول زيه
واذكر انه كان لك لا جعت قوتك
مدةٍ في السر تسعد كم شقية
واذكر انه دايم اسمك في كروتك
مكرمٍ ضيفه ومسترّ بمجيه
رحمة الله تلبسك لبسك لكوتك
والجنان تقول لك يالله حيه
والصلاة يصير ريموته رموتك
بين اياديّك له ادباره وجية
واشهد اني يا يبه من بعد موتك
ما فقدت الاّي ومن العشر ميه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.