خــــــاف ربــّــــــــك

ياصغيّر خاف ربك .. بالقلوب .. وخاف ربّك
توك صغيّر .. ولاتدري عن الحب .. وعذابه

مشيتك فيها دلع .. ياكنك الغصن .. ويهبّك >
ريح عشق الجاهل ألي .. باع لعيونك .. شبابه

عطرك ألي فاح بأول .. وآخر الشارع نصبّك
طاحت قلوب الآوادم .. كل ابوهم ..عند بابه

الله يعين ألذي صابه سهمك .. وثم حبّك
كن فيك الحب فسّر .. ثم قال الله > جابه

تلعب بقلبه .. ولايدري يحسب إنه .. لعبّك
مادرى عن سهمك المسموم وسط القلب صابه

كيف أبوك يكون راضي بالشوارع قام صبّك
كنه العسال .. وانت أمن العسل ماخذ ثوابه

الجمال يضيع .. من كل العذارى .. في مهبّك
والنحل لاجاك يآخذ .. من صفا ريقك .. زهابه

كني آشوفك حطب .. وإصدور هالعالم .. مشبّك
كل مازاد الحطب > نار الهوى .. قالوا : هلابه

الله أكبر كيف لاطليت .. هالعالم تشبّك
كلن يعيشك أماني داخله .. محد ٍ درابه

أم أنا أعرف منابعك .. ومجاريك .. ومصبّك
ما أزل بنظرتي .. لو كل هالناس .. إتشابه

صدق ماخذ من حلاك الورد .. والقمرا > ولبّك
ماهو بلبا قلوب الناس .. والعاشق حكابه

وصدق تآخذ من عيونك ظلمة الليل وتشبّك >
نار عاشق .. في خلا موحش .. وهمْه إنطوابه

بس لو جرحي نزف .. لايمكن آتداوى | بطبّك
والرجل مايغره المظهر .. ولايحسب .. حسابه

وانت يالي .. ماخذ قلوب الأوادم .. خاف ربّك
توك صغيّر .. ولا تدري عن الحب .. وعذابه