تخير. لـ بدر بن عبدالمحسن

أنا ما أشير بالفرقا ..ولا أحدك على المقعاد

تخير في طريق الوصل ..والا درب هجراني

حرام الوصل ما يجمع قلوبٍ عن هواها بعاد

وبعض البعد لو عذب يجمع بين خلاني

تحسب ان الهوى ضحكة دقايق عشتها في ميعاد

إلى ما رحت تنساها ..وتنسَى الوعد وتنساني

ألا يا صاحبي ..الرفقة ترى مَا هِى ثياب جداد

تبدلها متى مليت ..وتلبس غيرها ثاني

إلى ضاع الوفا ..مابه هوى بارجيه أنا ..ووداد

ترى ذا الفرق ..بين أقرب قريب ..وبين عدواني

تحاكيني بطرف لسان وهرجي من صميم فواد

وتاقف من بعيد ..ويم درب الموت تنخاني

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

تخير